პა-სპორტი
15-04-2013
პა-სპორტი
- ფეხბურთელი რომ არა, ვინ იქნებოდი?
- ვერ გეტყვით... ჩემთვის, ფეხბურთი მხოლოდ სპორტის სახეობა არ არის, ცხოვრების წესად იქცა და მის გარეშე ყოფნა ვერ წარმომიდგენია. ამიტომაც არც მიფიქრია, რა გზას ავირჩევდი, ეს თამაში რომ არა...

- სპორტის გარდა, რა არის შენთვის ყველაზე მნიშვნელოვანი?
- რა თქმა უნდა, ოჯახის წევრები - მშობლები, ცოლ-შვილი, ჩემი ძმა და მისი ოჯახი... კიდევ, მეგობრები, რომლებთან ერთადაც გავიზარდე. ძალიან მაკლია ეს ხალხი...

- ნივთი, რომლის გარეშეც
სახლიდან არ გადიხარ...

- ასეთი ნივთი არ არსებობს.

- ლევან მჭედლიძე და ჰოროსკოპი...
- ჰოროსკოპით ვერძი ვარ. ინტერესის გამო, რამდენჯერმე წავიკითხე ჰოროსკოპი და რაღაცები დაემთხვა კიდეც. თუმცა, მიმაჩნია, რომ ეს ყველაფერი დიდი სისულელეა...

- უცნაური თვისება თუ გაქვს?
- უცნაურის რა გითხრათ, მაგრამ არის თვისებები,
რომლებიც ხანდახან მაფიქრებს... ყველაზე მეტად ჩემი სიფიცხე არ მომწონს.

- ადამიანი, რომელმაც ყველაზე დიდი შთაბეჭდილება მოახდინა შენზე...

- ერთი ადამიანის დასახელება გამიჭირდება, მაგრამ ხშირად ყოფილა შემთხვევა, როცა ნაცნობის ან თუნდაც უცნობის საქციელს დიდი შთაბეჭდილება მოუხდენია... ასეთ ხალხს ძალიან ვაფასებ და საკუთარ თავში ყველა მათ საქციელს ვინახავ...

- ქვეყანა, სადაც იცხოვრებდი...
- დავასრულებ თუ არა საფეხბურთო კარიერას, მაშინვე დავბრუნდები საქართველოში, რომელიც ყველაზე ძვირფასია ჩემთვის. ყველა ჩემიანმა კარგად იცის, როგორ მიყვარს ჩემი სამშობლო, რომ საქართველოს გარდა, ცხოვრებას არსად ვაპირებ!

- საყვარელი წიგნი, რეჟისორი, მუსიკოსი...
- ძალიან მიყვარს მამა გაბრიელის წიგნები. რაც შეეხება რეჟისორს და მუსიკოსს, რომელიმეს ვერ გამოვყოფ - რაც კარგია, ყველაფერი მომწონს. :)

- ფეხბურთის გარდა რა გიყვარს?
- მიმაჩნია, რომ ჩოგბურთი და კალათბურთი სპორტის საუკეთესო სახეობებია... რაგბი კი ქართველმა მოთამაშეებმა შემაყვარეს. ჩემს მეგობრებს შორის ბევრი მორაგბეა...

- რა გაღიზიანებს ყველაზე მეტად?
- ადამიანი, ვინც "ნიღბით" ცხოვრობს - გიცინის, ამ დროს კი იცი, რომ არაგულწრფელია...

- მატჩი, რომლითაც ყველაზე მეტად ამაყობ...
- ასეთი ბევრია, მაგრამ ყველაზე სასიამოვნოდ საქართველო-შოტლანდიის თამაში მახსენდება. ეროვნულ ნაკრებში პირველი გოლი სწორედ იმ მატჩში გავიტანე და უბედნიერესი ვიყავი... საოცარი გრძნობაა, როცა შენი ხალხისთვის თამაშობ...

- სოციალური ქსელით ხშირად სარგებლობ?
- საკმაოდ ხშირად, რადგან მეგობრები ძალიან მენატრებიან და ვცდილობ, ამ გზით მაინც მქონდეს ურთიერთობა.

- დაახასიათე საკუთარი თავი ერთი სიტყვით...

- გამიჭირდება, რადგან ამაზე არ მიფიქრია. :)

- იდეალური ქალი შენთვის არის...
- დედა, რომელმაც გამაჩინა და ჩემი მეუღლე, რომელმაც უსაყვარლესი შვილი მაჩუქა. :)

- დაასრულე ფრაზა: "მჯერა, რომ"...
- ...მივაღწევთ გამარჯვებას!

- შენი საყვარელი ფეხბურთელი...
- ბრაზილიელი რონალდო, რომელიც მეტსახელს ამართლებდა და ჩემი აზრით, მართლაც "ფენომენი" იყო...

- პერსონაჟი, რომელსაც ყველაზე მეტად გამსგავსებენ...

- ჩემ შესახებ, მსგავსი არაფერი გამიგია. :)

- მეტსახელი თუ გაქვს?

- საკმაოდ ბევრი, მაგრამ უმეტესობა მჭედლოს მეძახის...
araqartveli
02 მაისი 2013 12:40
რატომ იციტ ასე? ეს ბიცჰი აუცილებლად იტამასებს დიდ პეხბურტს.ლევან არმოუსმინო ბოროტებს!
gogita
16 აპრილი 2013 12:17
ვერ განვითარდა ეს ბიჭი. მეტი არ შეუძლია და რა ქნას?
19
16 აპრილი 2013 12:02
ეს ტალანტი აღარაა ამის ფეხბურთი მორჩა! ემპოლის დონეზე დარჩა...

რედაქტორის რჩევით
თქვენი აზრით, რამდენად ხშირად ხდება დღეს  საქართველოში თანამდებობის პირთა მიერ უფლებამოსილების პირადი მიზნებისთვის გამოყენება?
თქვენი აზრი მნიშვნელოვანია!
თქვენი აზრით, რამდენად ხშირად ხდება დღეს საქართველოში თანამდებობის პირთა მიერ უფლებამოსილების პირადი მიზნებისთვის გამოყენება?
თვის კითხვადი სტატიები