პა-სპორტი - ანატოლი ბოისა
- ბავშვობაში რაზე ოცნებობდი?
- ვოვა (ანატოლის უფროსი ძმა - ვლადიმერ ბოისა. - ავტ.) ამბობს, რომ მინდოდა, მეხანძრე ვყოფილიყავი. :):)
- ვოვას ყველა იცნობს, ოჯახის დანარჩენი წევრები გაგვაცანი...
- ჩემი მშობლები - ალექსანდრე და ტატიანა ყოფილი ფრენბურთელები არიან. მყავს უმცროსი და ვიქტორია, მეუღლე თეა ჩიხრაძე და 8 თვის "ბოკვერი" - დათა ბოისა!
- კალათბურთელი რომ არა, ვინ იქნებოდი?
- ძალიან კარგი მოსწავლე ვიყავი, სწავლას დიდ დროს ვუთმობდი და კალათბურთი რომ არა, ალბათ, ახლა რომელიმე კაბინეტში ვიქნებოდი. :)
- ნივთი, რომლის გარეშეც სახლიდან არ გადიხარ...
- მგონი, მობილური ტელეფონის გარეშე სახლიდან უკვე აღარავინ გადის.
- ფრაზა ან სიტყვა, რომელსაც ყველაზე ხშირად ამბობ...
- თუ თეას დავუჯერებთ, ყველაზე ხშირად ვამბობ - "ზოგადად" და "ნონსენს". :)
- უცნაური თვისება თუ გაქვს?
- ისევ დავესესხები მეუღლეს, რომელიც ამბობს, რომ საერთოდ უცნაური ვარ. :)
- ქვეყანა, სადაც იცხოვრებდი...
- იტალიაში ვიცხოვრებდი დიდი სიამოვნებით...
- საყვარელი წიგნი, რეჟისორი, მუსიკოსი...
- მიყვარს დოსტოევსკის "იდიოტი", თანამედროვეებიდან კი თითქოს ძალიან მარტივი, მაგრამ თან აზრიანი - კოელიოს "ალქიმიკოსი"... არ მყავს გამორჩეული რეჟისორი, რომელზეც "must go" მემართება. :) მუსიკაშიც მრავალფეროვნება მიყვარს, შემიძლია მოვუსმინო ყველაფერს - ჰიპ-ჰოპს, რეპს, მსუბუქ როკს, ქართულ რადიოარხებსა და რუსულ ესტრადასაც კი... :):)
- სიმღერა, რომელსაც ყველაზე ხშირად ღიღინებ...
- ნინო ქათამაძის "იები"...
- კალათბურთის გარდა რა გიყვარს?
- ძალიან მიყვარს ყველაფერი, რაც წყალს უკავშირდება - ცურვა, თევზაობა... წინათ მე, ვოვა და მამა ხშირად დავდიოდით სათევზაოდ, ახლა იშვიათად ვახერხებთ. სამაგიეროდ, კინოთეატრში დავდივარ ხშირად. :)
- საყვარელი კერძი და სასმელი...
- ხაჭაპური, "ოჯახური", ალუბლის წვენი.
- დაახასიათე საკუთარი თავი ერთი სიტყვით...
- სამართლიანი.
- რა გაღიზიანებს ყველაზე მეტად?
- არაპუნქტუალურობა, მოუწესრიგებლობა, დანაპირების შეუსრულებლობა...
- მეტსახელი თუ გაქვს?
- ზოგი გვარით მომმართავს, სხვები სახელის შემოკლებული ვერსიებით - ტოლიკა, ტოლი... აი, მეუღლე კი, რატომღაც სულ ანატოლის მეძახის. :)
- ადამიანი, რომელმაც ყველაზე დიდი შთაბეჭდილება მოახდინა შენზე...
- ეს არის ჩემი ძმა, რომელმაც წარმატებას დაუღალავი შრომით მიაღწია!
- იდეალური ქალი შენთვის არის...
- ჩემი მეუღლე!
- საყვარელი სპორტსმენი...
- ჩემი თაობის კალათბურთელებისთვის, ალბათ, ეს ყოველთვის მაიკლ ჯორდანი იქნება...
- სოციალური ქსელით ხშირად სარგებლობ?
- სამწუხაროდ, სოციალურ ქსელში საკმაოდ დიდ დროს ვატარებ...
- ანატოლი ბოისა და ჰოროსკოპი...
- ჰოროსკოპით ქალწული ვარ, თუმცა, არ მჯერა, რომ ჩემს პიროვნებას ვარსკვლავები ახასიათებენ. :)
- მატჩი, როლითაც ყველაზე მეტად ამაყობ...
- ასეთი რამდენიმეა, მაგრამ ყველაზე მეტად ის ემოცია მახსოვს, პირველად რომ გავხდი საქართველოს ჩემპიონი...
- დაასრულე ფრაზა: "მჯერა, რომ"...
- ...ყველაფერი კარგად იქნება!
- ყველაზე უცნაური კითხვა, რაც ჟურნალისტს დაუსვამს...
- "ქართულად ლაპარაკობ?" :):)