პა-სპორტი - შოთა არველაძე - კვირის პალიტრა

რატი შელეგია

- ფეხბურთელი რომ არა, ვინ იქნებოდი?

- წარმატებული ადამიანი.

- ამაზე ბავშვობიდან ოცნებობდი?

- ბავშვობაში ფეხბურთის გარდა არაფერზე ვფიქრობდი!

- ფეხბურთის გარდა რა გიყვარს?

- მიყვარს, როცა თავისუფალი დრო მაქვს. ეს კი, სამწუხაროდ, საკმაოდ იშვიათად ხდება...

- რა გაღიზიანებს ყველაზე მეტად?

- სიყალბე და მლიქვნელობა.

- უცნაური თვისება თუ გაქვს?

- როცა შვებულებაში ვარ, "ვითიშები" და რაღაცები მავიწყდება. :)

- ნივთი, რომლის გარეშეც სახლიდან არ გადიხარ...

- მობილური ტელეფონი და საფულე.

- ფრაზა, ან სიტყვა, რომელსაც ყველაზე ხშირად ამბობ...

- ნეტავ არ ვამბობდე, მაგრამ... ყველაზე ხშირად "შეჩემას" ვამბობ. :)

- საყვარელი საჭმელი...

- ყველი...

- ყველაზე ეგზოტიკური კერძი, რაც გიჭამია...

- ბაყაყი. :)

- ადამიანი, რომელმაც ყველაზე დიდი ზეგავლენა მოახდინა შენზე...

- ყველაზე დიდი ზეგავლენა ჩემმა ოჯახმა მოახდინა!

- საყვარელი წიგნი, ფილმი, მუსიკოსი...

- ძალიან მიყვარს გალაკტიონი... გამორჩეული წიგნი? "დათა თუთაშხია". ფილმებიდან - "ნათლია". მუსიკოსს ვერ გამოვარჩევ...

- ბევრ ქვეყანაში გიცხოვრია. რომელმა ქალაქმა მოახდინა შენზე ყველაზე დიდი შთაბეჭდილება?

- ყველა თავისებურად ლამაზია, მაგრამ თბილისს არაფერი მირჩევნია!

- მატჩი, რომლითაც ყველაზე მეტად ამაყობ...

- "დინამო"-"ლინფილდი"!

- ყველაზე უცნაური ჭორი, რაც შენ შესახებ გაგიგია...

- არველაძეებმა "დეზერტირების ბაზარი" იყიდესო. :)

- სტადიონის გარდა, სად ნახავ ყველაზე ხშირად შოთა არველაძეს?

- სახლში. :)

- რას შეცვლიდი, კარიერის თავიდან დაწყება რომ შეგეძლოს?

- არ ვიცი, არასდროს მიფიქრია ამაზე...

- სოციალური ქსელით ხშირად სარგებლობ?

- არ ვსარგებლობ!

- შინაური ცხოველი თუ გყავს?

- არა.

- პერსონაჟი, რომელსაც ყველაზე მეტად გამსგავსებენ...

- ზოგიერთისთვის რომ გეკითხათ, "მისტერ ბინს" ვგავარ. :):)

- საოცნებო კლუბი...

- მინდა, რომ თბილისის "დინამომ" ძველი სახელი დაიბრუნოს...

- იდეალური ქალი შენთვის არის...

- კარგი დედა და მეუღლე...

- შენი საყვარელი სპორტსმენი...

- ერთის გამორჩევა გამიჭირდება, ბევრია სამაგალითო...

- მხიარული შემთხვევა, ან თურქული ანეკდოტი გაიხსენე...

- რომელიც მომწონს, ასე სახალხოდ ვერ მოვყვები. :)

- წარმატების მისაღწევად საჭიროა...

- ნიჭი და ხასიათი!

- რა არის ყველაზე კარგი სეზონებს შორის?

- დასვენება. :)

- ყველაზე უცნაური კითხვა, რაც ჟურნალისტს დაუსვამს...

- "რამდენი გაქვს ხელფასი?" :)

- დაასრულე ფრაზა: "მჯერა, რომ"...

- ...ყველაფერი კარგად იქნება!