პა-სპორტი - მათე ვაწაძე - კვირის პალიტრა

რატი შელეგია

- ფეხბურთელი რომ არა, ვინ იქნებოდი?

- აღნაგობა არ მიწყობს ხელს, თორემ, ალბათ, კალათბურთელი. :))

- ბავშვობაში რა გინდოდა ყველაზე მეტად?

- ველოსიპედი. :)))

- ფეხბურთის გარდა რა გიყვარს?

- კალათბურთი. ხომ გითხარით, სიმაღლე რომ მიწყობდეს ხელს, კალათბურთელი ვიქნებოდი. :)))

- რა გაღიზიანებს ყველაზე მეტად?

- ბოროტი ტყუილი. :(

- რის გარეშე ვერ წარმოგიდგენია ცხოვრება?

- რწმენის!

- მატჩი, რომლითაც ყველაზე მეტად ამაყობ...

- ერთი რომელიმე მატჩის გამოყოფა გამიჭირდება...

- სტადიონის გარდა, ყველაზე ხშირად სად შეიძლება მათე ვაწაძის ნახვა?

- ბოლო დროს, სახლში (ტრავმის გამო მათე სრული დატვირთვით ვერ ვარჯიშობს. - ავტ.)...

- საყვარელი კერძი და სასმელი...

- ძალიან მიყვარს რაჭული ლობიანი და ლორი. სასმელიდან? - წყალი. წვენების მოყვარული არა ვარ.

- ყველაზე ეგზოტიკური კერძი, რაც გიჭამია...

- ჯერჯერობით, ეგზოტიკური არაფერი გამისინჯავს. ისე კი, ძალიან მიყვარს ზღვის პროდუქტი და რვაფეხას უპრობლემოდ გავუსინჯავდი გემოს. :))

- ნივთი ან აქსესუარი, რომლის გარეშეც სახლიდან არ გადიხარ...

- გულსაკიდი ჯვარი.

- ფრაზა ან სიტყვა, რომელსაც ყველაზე ხშირად ამბობ...

- ასეთი არაფერი მახსენდება.

- ადამიანი, ვინც ყველაზე დიდი ზეგავლენა მოახდინა შენზე...

- მამა გაბრიელი, რომლის ცხოვრების შესახებ წაკითხულმა წიგნმა ძალიან იმოქმედა ჩემზე...

- ქალაქი, სადაც იცხოვრებდი...

- ძალიან მომწონს ავსტრიის დედაქალაქი ვენა, მაგრამ საქართველოს გარდა, დიდი ხნით ვერსად ვერ ვიცხოვრებდი!

- საყვარელი მსახიობი, ფილმი, მუსიკოსი...

- რობერტ დე ნირო. ფილმებიდან - "ტაქსის მძღოლი", ასევე დე ნიროს მონაწილეობით; მუსიკოსებიდან, ამჟამად, ყველაზე მეტად Kანყე ჭესტ-ი მომწონს...

- სიმღერა, რომელსაც ყველაზე ხშირად ღიღინებ...

- ემინემის - "Bitch Please"...

- იდეალური ქალი შენთვის არის...

- ქართველი ქალი!

- შენი საყვარელი სპორტსმენი...

- ზინედინ ზიდანი!

- უცნაური თვისება თუ გაქვს?

- უცნაურს ვერაფერს ვიხსენებ. :))

- სოციალური ქსელით ხშირად სარგებლობ?

- არათუ სოციალური ქსელით, საზოგადოდ, ინტერნეტითაც იშვიათად ვსარგებლობ.

- შინაური ცხოველები თუ გიყვარს?

- დიახ, რაჭაში მყოლია კიდეც ცხენი და ძაღლი...

- მეტსახელი თუ გაქვს?

- ვაწა.

- ყველაზე უცნაური ჭორი, რაც საკუთარ თავზე გაგიგია...

- რომ დუბაიში ვიყავი დასასვენებლად ვიღაც გოგოსთან ერთად და მის შვილს ვზრდი. :))))

- კარიერის თავიდან დაწყება რომ შეგეძლოს, რას შეცვლიდი?

- არაფერს შევცვლიდი, უბრალოდ, უფრო მეტ ჯანმრთელობას ვისურვებდი...

- თამაშის წინ რამე ჩვევა თუ გაქვს?

- არც მქონია და არც მაქვს!

- ყველაზე ხშირად გავიწყდება...

- მობილური ტელეფონი და გასაღები. :)

- ყველაზე უცნაური კითხვა, რომელიც ჟურნალისტს დაუსვამს...

- "გოლის გატანის დროს რა იგრძენი?" :)))

- დაასრულე ფრაზა: "მჯერა, რომ"...

- ...ყველაფერი კარგად იქნება!

- რომ არ ყოფილიყავი მათე ვაწაძე, იქნებოდი...

- პროფესია არ ვიცი და ადამიანი - იგივე!