პა-სპორტი - ჯაბა კანკავა
02-09-2013
პა-სპორტი - ჯაბა კანკავა
- კარიერის თავიდან დაწყება რომ შეგეძლოს, რას შეცვლიდი?
- არაფერს! მიმაჩნია, რომ როგორც მოხდა, ყველაფერი ისე იყო საჭირო...

- რომ არა ფეხბურთელი, ვინ იქნებოდა ჯაბა კანკავა?
- არაფერიც არ ვიქნებოდი, რადგან ჩემთვის პირველ ადგილზე ყოველთვის ფეხბურთი იყო!

- მეტსახელი თუ გაქვს?
- არა. ყველასთვის ჯაბა ვარ...

- დაახასიათე საკუთარი თავი ერთი სიტყვით...
- ვარ ჩვეულებრივი ადამიანი, რომელიც ფეხბურთს პროფესიულად თამაშობს. სხვებისგან მხოლოდ ამით გამოვირჩევი. :)

- ადამიანი, ვისაც ყველაზე მეტად
გამსგავსებენ...

- ჟან-კლოდ ვან დამი. :)))

- ყველაზე ემოციური მომენტი, რომელიც ფეხბურთიდან გახსოვს...
- ემოცია, რომელიც ხორვატიასთან გატანილ გოლს მოჰყვა!

- სიტყვა, რომელსაც ყველაზე ხშირად ამბობ...
- "დაი", ანუ - მომეცი. :))

- რა არის მთავარი ცხოვრებაში?
- თუ განვაზოგადებთ - სიყვარული!

- წარმატების მისაღწევად
საჭიროა...

- თავგანწირვა!

- ყველაზე უცნაური ჭორი, რაც საკუთარ თავზე გაგიგია...
- რომ ღერი-ღერზე ვეწევი სიგარეტს. :)))

- მოედანზე გასვლის წინ რაიმე ჩვევა თუ გაქვს?
- პირჯვარს ვიწერ.

- ქვეყანა, სადაც იცხოვრებდი...
- საქართველო!

- რითი ერთობი თავისუფალ დროს?
- შემიძლია ბევრი რამით გავერთო. ფილმების ყურებაც მიყვარს...

- და რომელია შენი საყვარელი ფილმი და მსახიობი?
- ფილმებიდან - "მრისხანება", მსახიობებიდან - დენზელ ვაშინგტონი...

- რა გაღიზიანებს ყველაზე მეტად?
- როცა სათადარიგოთა შორის ვარ და არ ვთამაშობ!

- საყვარელი კლუბი?
- "მანჩესტერ იუნაიტედი".

- იდეალური ქალი შენთვის არის...
- დედაჩემი!

- ყველაზე უცნაური კითხვა, რაც ჟურნალისტს დაუსვამს...
- "სტიმულია თუ არა ნაკრებში გამოძახება?"

- რომ არ ყოფილიყავი ჯაბა კანკავა, იქნებოდი...
- ავთო კანკავა. :))))
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით