პა-სპორტი - ტოჩინოშინი (ლევან გორგოძე)
09-03-2015
პა-სპორტი - ტოჩინოშინი (ლევან გორგოძე)
- სუმოისტი რომ არა, ვინ იქნებოდი?
- იაპონიაში ჩამოსვლამდე ძიუდოში ვვარჯიშობდი და რომ არა სუმო, ალბათ, ძიუდოს გავყვებოდი. ისე კი, ბავშვობიდან მინდოდა, წარმატებული სპორტსმენი ვყოფილიყავი!

- სუმოს გარდა რა გიყვარს?
- ბრძოლა წესების გარეშე. ასევე, სპორტის სხვა სახეობები.

- რა გაღიზიანებს ყველაზე მეტად?
- უპასუხისმგებლობა და ტყუილი!

-  ორთაბრძოლა, რომლითაც ყველაზე მეტად ამაყობ...
- შეხვედრა, როცა პირველად დავამარცხე ოძეკი - ჰარუმაფუჯი!

- დოჰიოს (მოედანი, სადაც სუმოს ორთაბრძოლა იმართება. - ავტ.)
გარდა, ყველაზე ხშირად სად შეიძლება ტოჩინოშინის ნახვა?

- თავისუფალ დროს კლუბში წასვლა მიყვარს და, ალბათ, ღამის კლუბში. :)

- საყვარელი საჭმელი...

- ყველა რომ ჩამოვთვალო, ძალიან შორს წავალთ. ამიტომ ამჯერად მხოლოდ ხინკალსა და სუშის გამოვყოფ. ყველაზე ეგზოტიკური კერძი? კუს ხორცისგან დამზადებული იაპონური კერძი. სხვათა შორის,
გემრიელია!

- საყვარელი ნივთი ან აქსესუარი თუ გაქვს?
- საათი.

- ფრაზა ან სიტყვა, რომელსაც ყველაზე ხშირად ამბობ...
- "შენ გენაცვალე"!

- ადამიანი, ვინც ყველაზე დიდი გავლენა მოახდინა შენზე...

- ჩემი მშობლები.

- ქვეყანა, სადაც იცხოვრებდი...

- არა მგონია, საქართველოს გარდა, დიდი ხნით სადმე ცხოვრება შევძლო!

- საყვარელი წიგნი, ფილმი, მუსიკოსი...
-  "მგლები", "დათა თუთაშხია", თემურ ყვითელაშვილი.

- დაახასიათე საკუთარი თავი ერთი სიტყვით...

- "უბრალო" :)

- იდეალური ქალი შენთვის არის...
- დედა!

- შენი საყვარელი სპორტსმენი...
- ოლიმპიური ჩემპიონი დავით ხახალეიშვილი!

- სოციალური ქსელით ხშირად სარგებლობ?
- დიახ, საკმაოდ ხშირად.

- სიმღერა, რომელსაც ყველაზე ხშირად­ ღიღინებ...
- "ჩამოვიარე მე შენს ქუჩაზე" :)

- შინაური ცხოველი თუ გყავს?
- ტოკიოში არა. აი, საქართველოში კი მყავს - ქართული ნაგაზი.

- ტოჩინოშინის გარდა, მეტსახელი თუ გაქვს?
- "გრუზინ"!

- კარიერის თავიდან დაწყება რომ შეგეძლოს, შეცვლიდი რამეს?
- არ ვიცი... ალბათ, არაფერს.

- ორთაბრძოლის წინ რამე ჩვევა თუ გაქვს?
- ყოველთვის მარჯვენა ფეხით ავდივარ დოჰიოზე!

- გულმავიწყი ხარ?
- არა, იშვიათად, რომ რამე დამავიწყდეს.

- დაასრულე ფრაზა: "მჯერა, რომ"...

- ...კიდევ ბევრს შევძლებ!
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით
თქვენი აზრით, უნდა იყოს თუ არა პრეზიდენტი უშიშროების საბჭოს შემადგენლობაში?
თქვენი აზრი მნიშვნელოვანია!
თქვენი აზრით, უნდა იყოს თუ არა პრეზიდენტი უშიშროების საბჭოს შემადგენლობაში?