რიოს ოლიმპიადაზე გენო პეტრიაშვილმა ბრინჯაოს მედალი მოიპოვა - კვირის პალიტრა

რიო დე ჟანეიროში მიმდინარე ოლიმპიურ თამაშებზე თავისუფალ ჭიდაობაში ქართველმა სპორტსმენმა გენო პეტრიაშვილმა (125კგ) ბრინჯაოს მედალი მოიპოვა.

ქართველმა სპორტსმენმა გადამწყვეტ შეხვედრაში ამერიკელი ტერველ დლაგნევი 10:0 დაამარცხა. რეპეშაჟის მატჩში კი პეტრიაშვილის მეტოქე კანადელი კორეი ჯარვისი იყო, რომლის დამარცხებაც ქართველმა ფალავანმა ანგარიშით 9:2 შეძლო.

სასტარტო შეხვედრაში პეტრიაშვილმა ბულგარელ დიმიტარ კუმჩევს ანგარიშით 10:0 სძლია, მერვედფინალში კი ქართველმა ფალავანმა უკრაინელ ალენ ზასეევს დაძაბულ ბრძოლაში 11:6 მოუგო. საწუხაროდ, მეოთხედფინალში გენო პეტრიაშვილმა ირანელ ნემათ ჩასემისთან დასანანად წააგო (4:4), ეს უკანასკნელი კი ფინალში გავიდა.

პეტრიაშვილის მედლის შემდეგ საქართველოს მთლიანობაში 7 მედალი აქვს. ქართულ დელეგაციას ოქროს მედლები ლაშა ტალახაძემ (ძალოსნობა) და ვლადიმერ ხინჩეგაშვილმა (თავისუფალი ჭიდაობა), ვერცხლის ვარლამ ლიპარტელიანმა (ძიუდო), ბრინჯაოსი კი ლაშა შავდათუაშვილმა (ძიუდო), ირაკლი თურმანიძემ (ძალოსნობა), შმაგი ბოლქვაძემ (ბერძნულ-რომაული ჭიდაობა) და გენო პეტრიაშვილმა (თავისუფალი ჭიდაობა) მოუტანეს.