ლიონელ მესის 21-თვიანი პატიმრობა მიესაჯა
ლიონელ მესის 21-თვიანი პატიმრობა მიესაჯა
ესპანეთის უზენაესმა სასამართლომ ძალაში დატოვა საფეხბურთო კლუბ "ბარსელონას" ფეხბურთელის ლიონელ მესისთვის გამოტანილი 21-თვიანი პატიმრობის განაჩენი. აღნიშნულის შესახებ ესპანეთის უზენაესი სასამართლოს განცხადებაშია ნათქვამი.

განცხადებაში აღნიშნულია, რომ ფეხბურთელის მამას ხორხე ორასიო მესის პატიმრობის ვადა 21 თვიდან 15 თვემდე შეუმცირდა, ხოლო ლიონელ მესის 21-თვიანი პატიმრობის ვადა ძალაში დარჩა. ასევე ძალაში დარჩა 2,1 მილიონი ევროს ოდენობის ჯარიმა, რომელიც ლიონელ მესიმ უნდა გადაიხადოს.

ლიონელ მესის ბრალი სახელმწიფო ხაზინის წინააღმდეგ ჩადენილ დანაშაულში ედებოდა.

ბარსელონას სასამართლომ ლიონელ
მესისა და მამამისს განაჩენი გასული წლის ივლისში გამოუტანა. ესპანეთის კანონმდებლობის თანახმად, თუ დანაშაული პირველად არის ჩადენილი და გათვალისწინებული სასჯელი 2 წელს არ აღემატება, მსჯავრდებულს საშუალება ეძლევა სასჯელი ციხეში არ მოიხადოს.


ლიონელ მესისა და მამამისს ბრალი ედებოდათ გადასახადების გადახდის თავის არიდებაში. პროკურატურის ინფორმაციით, მათ სახელმწიფოს ხაზინაში
4,1 მილიონი ევროს ოდენობის გადასახადი არ შეიტანეს. გამოძიების მონაცემებით, ლიონელ მესიმ მოგების გადასახადი 2007, 2008 და 2009 წლებში არ გადაიხადა. სასამართლოზე მესიმ განაცხადა, რომ ფინანსური საკითხებით მამამისი იყო დაკავებული, ხოლო ის არასოდეს ინტერესდებოდა გადასახადების საკითხით.


მკითხველის კომენტარი (0)
კომენტარი ჯერ არ გაკეთებულა.
იყავი პირველი!
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.

რუბრიკის სხვა სიახლეები
როგორ აფასებთ საპენსიო რეფორმას?
თქვენი აზრი მნიშვნელოვანია!
როგორ აფასებთ საპენსიო რეფორმას?
ბლოგერები
თვის კითხვადი სტატიები