"ფანტასტიკური იყო" - როგორ შეაფასა ნიკოლოზ ბასილაშვილი რაფაელ ნადალმა? - კვირის პალიტრა

"ფანტასტიკური იყო" - როგორ შეაფასა ნიკოლოზ ბასილაშვილი რაფაელ ნადალმა?

ამერიკის ღია პირველობის მერვედფინალში, დაძაბულ ორთაბრძოლაში ნიკოლოზ ბასილაშვილის დამარცხების შემდეგ მსოფლიოს პირველმა ჩოგანმა რაფაელ ნადალმა მეტოქე შეაქო.

"მესამე და მეოთხე სეტში გაცილებით უკეთ და აგრესიულად ვითამაშე. ვფიქრობ, კარგი ტაიბრეიკი მქონდა. ბასილაშვილი ფანტასტიკური იყო და ეს ყველაფერი მისი დამსახურებაა.

მას ძალიან ძლიერი დარტყმა აქვს, რომელსაც თითქოს აკონტროლებ, მაგრამ თან ვერ აკონტროლებ. ეს ჩემთვის მოულოდნელი იყო. 1/4 ფინალში გასვლამ ძალიან გამახარა", - განაცხადა ნადალმა.

ამერიკის ღია პირველობის მერვედფინალში საქართველოს პირველმა ჩოგანმა ნიკოლოზ ბასილაშვილმა რაფაელ ნადალს დიდი ბრძოლა გაუმართა და დამარცხდა 3:6, 3:6, 7:6, 4:6. შეხვედრა 3:18 საათი გაგრძელდა.

იხილეთ ასევე: ნიკოლოზ ბასილაშვილის პირველი კომენტარი რაფაელ ნადალთან შეხვედრის შემდეგ

sportall.ge