"ყველაზე ძლიერი ადამიანი ქართველია და ის არის ლაშა ტალახაძე"
13-04-2019
"ყველაზე ძლიერი ადამიანი ქართველია და ის არის ლაშა ტალახაძე"
მინდა, მივულოცო მთელს საქართველოს და სპორტის ყველა გულშემატკივარს, ყველაზე ძლიერი ადამიანი ქართველია და ამით ყველაფერი ნათქვამია, - ამის შესახებ საქართველოს პრემიერ-მინისტრმა მამუკა ბახტაძემ ბათუმში, ძალოსნობაში ევროპის ჩემპიონატის დასრულების შემდეგ განაცხადა.

+109 კილოგრამ წონით კატეგორიაში ევროპის ჩემპიონი ლაშა ტალახაძე გახდა,რომელმაც ახალი რეკორდი დაამყარა. ვერცხლი მედალი მოიპოვა ძალოსნობის ნაკრების კაპიტანმა ირაკლი თურმანიძემ, ხოლო ბრინჯაოს მედალი სომხეთის წარმომადგენელს რუბენ ალექსანიანს გადაეცა.

საპრიზო ადგილის მფლობელები პრემიერ-მინისტრმა
დააჯილდოვა.

მთავრობის მეთაურმა ჩემპიონატის მაღალ დონეზე ორგანიზებისთვის ორგანიზატორებსა და ძალოსნობის ფედერაციას განსაკუთრებული მადლობა გადაუხადა.

"ძალოსნობის ფედერაცია მართლაც გამორჩეული და ყველაზე წარმატებულია. საქართველომ კიდევ ერთხელ დაამტკიცა, რომ ჩვენ შეგვიძლია ნებისმიერი ტურნირის ძალიან მაღალ დონეზე მასპინძლობა და ეს მხოლოდ დასაწყისია. ყველა ქართველს, სპორტის ყველა გულშემატკივარს ვულოცავ დღევანდელ დღეს. ყველაზე ძლიერი ადამიანი ქართველია და ის არის
ლაშა ტალახაძე. ყველას გილოცავთ!” - განაცხადა პრემიერმა.

ბათუმში მიმდინარე ჩემპიონატზე საქართველოს ძალოსანთა ნაკრებმა წარმატებით იასპარეზა და 4 ოქროს, 6 ვერცხლის და 3 ბრინჯაოს მედალი მოიპოვა.

იხილეთ ასევე: ლაშა ტალახაძე ატაცში ევროპის ჩემპიონი გახდა და მსოფლიო რეკორდი დაამყარა

...
18 აპრილი 2019 07:10
Gamarjveba yvelgan da yvelafershi.rac kargebi xart talaxadzeebi xart.chemi dis shvilic talaxadzea

რედაქტორის რჩევით
როგორ აფასებთ საპენსიო რეფორმას?
თქვენი აზრი მნიშვნელოვანია!
როგორ აფასებთ საპენსიო რეფორმას?
თვის კითხვადი სტატიები