"ლაზარევსკი მართლა შტერი ხომ არ არის, არ გაეშიფრა..."- პარლამენტის წევრი ვლაიდიმირ ვაისს აკრიტიკებს
"ლაზარევსკი მართლა შტერი ხომ არ არის, არ გაეშიფრა..."- პარლამენტის წევრი ვლაიდიმირ ვაისს აკრიტიკებს
საქართველოს ფეხბურთის ეროვნული ნაკრები ჩრდილოეთ მაკედონიასთან ანგარიშით 0:1 დამარცხდა. შედეგად, ჩრდილოეთ მაკედონიამ ევროპის ჩემპიონატის საგზური მოიპოვა.

ქართველი ფეხბურთელების მარცხმა გულშემატკივარი განსაკუთრებულად გააწბილა, მათ შორის ბევრი მათგანი სოციალურ ქსელში ნაკრების მწვრთვნელს აკრიტიკებს.

პარლამენტის წევრი გიორგი მოსიძე "ფეისბუქის" პირად გვერდზე ჩვენი ფეხბურთელების  მარცხის მიზეზებზე ვრცელ პოსტს აქვეყნებს:

შარშანვე ვიცოდით, რომ მაკედონია/კოსოვოს წყვილში გამარჯვებულთან მოგვიწევდა გასვლისთვის თამაში და ისიც ვიცოდით, რომ პოტენციურად (ფეხბურთელების კრებსითი კლასით) ორივე გვჯობდა. ამაზე მოწმობდა მათი თამაშის ხარისხიც და
ევროპის ჩემპიონატის შესარჩევში ნაჩვენები შედეგებიც (ორივე თავის ჯგუფში ჯიგრულ მე-3 ადგილზე გავიდა). ჩვენი იმედი იყო: 1) შინ თამაში და მაყურებლის ენერგეტიკა; 2) ჩაკვეტაძე / კვარაცხელია კარგი სათამაშო ფორმა; 3) სათამაშო დისციპლინა და მწვრთნელის მიერ ტაქტიკური დუელის მოგება მეტოქის მწვრთნელთან...

პანდემიამ პირველი და მეორე ფაქტორები გააქარწყლა
(ზედ დაერთო ჩაკვეს ტრავმა). მწვრთნელმა იცოდა, რომ თუ გავუშვებდით, საპასუხოს გამტანი არ ვიყავით და ტაქტიკა ააგო გოლის არ გაშვებაზე და იქნებ (სასწაულებრივად) იქეთ გატანაზე (ბოლო-ბოლო პენალტებამდე მიღწევაზე)... ოღონდ მაგ ტაქტიკით უკვე ორჯერ ეთამაშა მაკედონიას ამ შემოდგომაზე და ის ლაზარევსკი მართლა შტერი ხომ არ არის, არ გაეშიფრა და გამოეყენებინა. პირველი ტაიმი გვეთამაშა სტანდარტულად, მეორეში გაგმოგვიჭირა და შეგვიგდო... იმათ ყავდათ პანდევი (და არა მარტო ის), ჩვენ - მიახლოებულიც კი არავინ... ჩვენ საპასუხო შტურმის რესურსი რომ არ გვაქვს, ეგ არახალია. ვაისის დამოკიდებულება შეცვლებთან ხომ საერთოდ ამოუხსნელი თემაა (ამაზე კიდევ ბევერჯერ გაილანძღება).

მარტო სათამაშო დისციპლინა და ჯიგარი (რასაც ბიჭებს ვერ დავუკარგავთ) არ გვეყო! მაყურებლიან, ხვიჩიან, ჩაკვეიან ნაკრებს შეიძლება ყოფნოდა კიდეც, მაგრამ ამ მოცემულობაში არ გვეყო... უფრო ძლიერები არიან! უფრო ძლიერთან მოგებაც შეიძლება რაღაც ფაქტორები თუ დაემთხვევა (ცოტა გამართლებაც საჭიროა, როგორც მაკედონიას პენალტი დაუდეს სკოპიეში), მაგრამ არ დაემთხვა...
ესაა რაცაა! თავს ზემოთ ვერ ავხტით!
შემდეგზე უნდა ავხტეთ!.. ან კლასით გავიზარდოთ და დამსახურებულად მოვიგოთ..."- წერს გიორგი მოსიძე




nana
13 ნოემბერი 2020 11:37
კარგი ანალიზია, პირუთვნელი
ვაი ჩვენს პატრონს!
13 ნოემბერი 2020 11:25
სტადიონის გარეთ მდგომი გულშემატკივრები რომ დააჯარიმეს კომენდანტის საათის დარღვევისთვის კალაძე თავის შვილით ვერ დაინახეს სამართალდამცავებმა?!?!?!
დავით
13 ნოემბერი 2020 11:22
სამწუხაროდ შემდეგზე ვეღარ ავხტებით! ეს იყო საუკუნის შანსი, ამ მატჩისთვის მობილიზება და მომზადება ეროვნულ ამოცანად უნდა გვექცია, მაგრამ როგორც ჩანს არ გვეცალა. ახლა ვილაპარაკებთ ორ-სამ დღეს ეროვნული ჩემპიონატის გაძლიერებაზე და როგორც წესი ლაპარაკი ლაპარაკად დარჩება. ერთი ვისაც მადლობა მინდა გადავუხადო გულშემატკივარია. ფეხბურთი ჩვენთვის არაა მხოლოდ სპორტი, ის ასოცირდება ჩვენს ერთიანობასთან და ამ ერთიანობით გამოვლენილ ძალასთან. 1981-ში ხალხს ფეხბურთში გამარჯვებაზე მეტად საქართველოს გამარჯვება უხაროდა. მე სიტყვები არ მაქვს იმის გამოსახატავად, თუ რას განვიცდი:((

რუბრიკის სხვა სიახლეები
25-01-2021
გაზეთის სტატია. მიიღეთ წვდომა
25-01-2021
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები