"დაოჯახებული ვიყავი, როცა ჩემზე გაცილებით უმცროსი გოგონა შემიყვარდა..."
17-03-2018
"დაოჯახებული ვიყავი, როცა ჩემზე გაცილებით უმცროსი გოგონა შემიყვარდა..."
დაოჯახებული გახლდით, როცა ჩემზე გაცილებით უმცროსი გოგონა შემიყვარდა. მე 31 წლის ვიყავი, ის - 16-ის. ჩვენი ოჯახები მეგობრობდნენ. თავიდან ისე ვექცეოდი, როგორც ბავშვს, მაგრამ მალე გავაცნობიერე, რომ უსაზღვროდ მიყვარდა.

როცა მეგი და მისი მშობლები ჩვენთან სტუმრად მოდიოდნენ, ხან რას მოვიმიზეზებდი და ხან - რას, რომ შინიდან გავსულიყავი. ვატყობდი, მეგის უკვირდა ჩემი საქციელი. ერთხელ დამიმარტოხელა და ლამის შემომტირა: - რა
დაგიშავე ისეთი, რომ აღარ გინდა ჩემთან ურთიერთობაო? აზრი აღარ ჰქონდა დამალვას და ვუთხარი: - მიყვარხარ უსაზღვროდ და სიგიჟემდე, მაგრამ არ მინდა, ამ სიყვარულით ჩვენს ოჯახებს ზიანი მიადგეს. ეს რომ გამოაშკარავდეს, გული ეტკინებათ ჩემს ცოლ-შვილს, შენს მშობლებსა და და-ძმას, ამიტომაც ვებრძვი საკუთარ თავს-მეთქი.

გავიდა დრო. მეგი აღარ მოდიოდა ჩვენთან, რაც ჩემს ცოლს ძალიან უკვირდა. ერთხელ შემთხვევით შეხვედრია
ქუჩაში და ძალით მოიყვანა. დავინახე და სიხარულით ლამის გული გამისკდა. მანაც შემომანათა თვალები - ორივეს უსაზღვროდ მოგვნატრებოდა ერთმანეთი. მარტონი რომ დავრჩით, მეგიც გამომიტყდა - მეც მიყვარხარ და არ ვიცი, როგორ მოვიქცე, ერთ ბიჭს მოვწონვარ და ცოლობას მთხოვსო. ვურჩიე, - თუ შენი ღირსია და გულწრფელად უყვარხარ, გაჰყევი-მეთქი... გაგრძელება
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით