"დღეს ნუცა ჩემი ცოლია, ლიკა კი სიდედრი" - როგორ მიმაჭანკლა "სამსუნგმა"
"დღეს ნუცა ჩემი ცოლია, ლიკა კი სიდედრი" - როგორ მიმაჭანკლა "სამსუნგმა"
"ბედისწერის დიდად არ მჯეროდა, მაგრამ მას მერე, რაც ტელეფონი იქცა ჩემს "მაჭანკლად“ ლამისაა დავიჯერო.
იმ დღეს კინოში წასვლა ძალიან მეზარებოდა, მაგრამ თაკოს წყენინება არ მინდოდა. კინოთეატრ "რუსთაველში" კანტიკუნტად ისხდნენ. შუქი ჩააქრეს თუ არა, შეყვარებულს მივეკარი, კოცნა მინდოდა, მან კი აბეზარი ბუზივით მომიშორა. სიგარეტს მოვწევ-მეთქი, ჩავილაპარაკე და გარეთ გავედი. მე და თაკოს უკვე არეული გვქონდა ურთიერთობა. მას აშკარად გული გაუცივდა ჩემზე, მეც თავს არ ვუტყდებოდი, რომ... იმაზე დავიწყე ფიქრი, როგორ მეთქვა,
ალბათ, დროა, ერთმანეთს შევეშვათ-მეთქი. უცებ ტელეფონის ზარი აწკრიალდა. ძირს დავიხედე, "სამსუნგის“ ტელეფონი ეგდო.

ერთი პირობა გავიფიქრე, ვინმემ ქურდობა არ დამაბრალოს, ხელსაც არ ვახლებ-მეთქი, მერე მაინც ავიღე", - ამბობს ლევანი და აგრძელებს თხრობას:

- ტელეფონი გამოვრთე და ჯიბეში ჩავიდე... დარბაზში აღარ შევბრუნებულვარ, თაკოს გარეთ დაველოდე. მერე
"საქმის გასარჩევად" კაფეში წავედით. გამოვუცხადე, - უნდა დავშორდეთ-მეთქი. ზიზღით მომახალა, - ჯანდაბამდის გზა გქონიაო; მაინცდამაინც გული არ დასწყვეტია. ჩანთას ხელი დაავლო და გამშორდა... ლუდი მოვითხოვე და ერთხელ კიდევ შევათვალიერე ნაპოვნი ნივთი, ჩავრთე და მესიჯების გრაფაში შევძვერი - ბლოკი სუფთა იყო.
ტელეფონი 20%-იანი ფასდაკლებით gigant.ge -ზე
გალერეაში რომ შევედი, დავიბენი, საოცრად ლამაზი გოგოს ფოტოებს წავაწყდი. ვფიქრობდი, იღბალს მივენდობი, ტელეფონს ჩავრთავ და დაველოდები, თუ დამირეკავს-მეთქი...
უცებ მოდის მესიჯი. მე ნუცა ვარ, ტელეფონის პატრონი. თუ ეს ტელეფონი იპოვეთ, გთხოვთ დამიბრუნოთ და საჩუქარსაც მიიღებთო. სიხარულით გული ამიჩქროლდა, ავკრიფე ნომერი, საიდანაც მესიჯი მოვიდა და...

- რატომ გაჩუმდი? ვინ გიპასუხა?

- ვიღაც ქალმა. რაღას ვიზამდი, შევთანხმდით შეხვედრაზე და წავლასლასდი. მეგონა, ვიღაც წუპაკი მოვიდოდა, ტელეფონს გამომტაცებდა და მადლობის თქმაც კი დაავიწყდებოდა, მაგრამ მაგარი მანქანიდან მაგარი ქალი და ის მზეთუნახავი გადმოვიდნენ. ორივემ ისე გამიღიმა, ცა გამეხსნა. წამოდი, კაფეში ყავა დავლიოთო, - შემომთავაზეს და მანქანისკენ გამიძღვნენ. უარის თქმა როგორ შემეძლო?! დედა-შვილი აღმოჩნდა. ლიკამ, ასე ჰქვია დედას, სუნამო მაჩუქა. მე კი ვერაფერს ვგრძნობდი, არაფერი მესმოდა, ვერავის ვხედავდი მისი ნუცას გარდა და გული მელეოდა, - ეს დღე რომ დაღამდება, მერე რა ვქნა-მეთქი. ტელეფონის ნომერი კი მქონდა ჩანიშნული, მაგრამ ვერ წარმომედგინა, რომ ასეთ გოგოს შეყვარებული არ ეყოლებოდა ან თუ ეყოლებოდა, შევძლებდი კი, მასზე უარი მეთქმევინებინა და ჩემზე ეფიქრა? მაშინ მე 19 წლის ვიყავი, ნუცა - 17-ის.

- დღეს რა ხდება?
- დღეს ნუცა ჩემი ცოლია, ლიკა კი სიდედრი. კარგა ხანს კი მაწამა ნუცამ... შარშან დავქორწინდით და ახლა შვილს ველოდებით...
"სამსუნგი“ კი ჩვენი ოჯახის განუყრელ კომპანიად იქცა.


სოფო გამრეკელი

ბერო
13 დეკემბერი 2018 15:10
ა, რეკლამა! იყიდეთ ყველამ "სამსუნგი" !
ირაკლი
13 დეკემბერი 2018 14:21
ჭირი იქა, ლხინი აქა )) მარკეტინგი............

თქვენი აზრით, ვინ არის პასუხისმგებელი დიდ დიღომში მომხდარ ტრაგედიაზე?
თქვენი აზრი მნიშვნელოვანია!
თქვენი აზრით, ვინ არის პასუხისმგებელი დიდ დიღომში მომხდარ ტრაგედიაზე?