"თქვენ გამოცადეთ რა რთულია შვილისგან შორს ყოფნა და მერე ატლიკინეთ ენები!" - რას წერს ქართველი ემიგრანტი სოციალურ ქსელში?
"თქვენ გამოცადეთ რა რთულია შვილისგან შორს ყოფნა და მერე ატლიკინეთ ენები!" - რას წერს ქართველი ემიგრანტი სოციალურ ქსელში?
ამერიკაში მყოფი ქართველი ემიგრანტი ცისნამი საყვარლიშვილი სოციალურ ქსელში თერჯოლაში მომხდარ ტრაგედიას ეხმაურება და ბავშვის დედის მიმართ გამოვლენილ ნეგატიურ დამოკიდებულებაზე ამახვილებს ყურადღებას:
ორი დღეა ვხედავ აფთარი ქალების კომენტარებს ემიგრანტ დედებზე! პირი გამოირეცხეთ ყველამ სანამ ჩვენზე რამეს იტყვით!
ძალიან არ მინდოდა წლობით ჩემი ერთადერთი შვილის დატოვება, მაგრამ თქვენსავით არც მდიდარი მშობლები მყავდა რომ შვილის აღზრდაში დამხმარებოდნენ და არც ყოფილმა ქმარმა დამიტოვა ბინა და საკმარისი ალიმენტი რომ ბავშვის გვერდით ვყოფილიყავი. მანდ მიღებული განათლებითაც
ვერსად ვერ ვნახე სამსახური. ამიტომ ავიკიდე გუდა-ნაბადი და წამოვედი. იმ დღიდან მოყოლებული ყველა ღამე მესიზმრება პატარა ირაკლი, ხელებგაშლილი რომ მელის. ჩემს ბედნიერებას რაღაც აკლია, აი, როგორც კარგ საჭმელს მარილი. გულჩათუთქული ვარ და ჩემთვის ჩუმად ვუძლებ მონატრებას.
თქვენ გამოცადეთ რა რთულია შვილისგან შორს ყოფნა და მერე ატლიკინეთ
ენები!
ასევე საქართველოს ეკონომიკის ხერხემალი ვართ. ჩვენ რომ არა ამდენი უცხო ვალუტა ვერ შემოვიდოდა ქვეყანაში და საერთოდ ვერ იარსებებდა ეკონომიკა. იმის მაგივრად რომ პატივი გვცეთ და მოწიწებით მოგვიხსენიოთ, გვაგინებთ.
ერთს ეწერა სოფელში მიწა დაემუშავებინა, ეშრომა და ისე ეცხოვრაო, საწყალ შვილმკვდარ დედაზე. მართლა?! კაი ერთი რა! სოფლად მიწასაც ამუშავებენ, ვენახსაც მაგრამ მოვა უბედური სეტყვა და ყველაფერს მიწასთან ასწორებს. არაფერი გამოდის. გლეხს შრომა არ უფასდება.
ჩაიგდეთ ენები მუცელში და ჩუმად იყავით!
ჩემთვის ყველა ემიგრანტი დედა გმირია და დიდება ჩვენს გამძლეობას"- - წერს ემიგრანტი ქალბატონი სოციალურ ქსელში.





ცისმარას
08 სექტემბერი 2020 10:03
შენ თუ შრომობ და ფულს აგზავნი ჩვენ რატომ უნდა მოწიწებით გექცეოდეთ? შენს ოჯახს უგზავნი ფულს და ხალხი რა შუაშია რომ გვამადლი. ისე ზრდილობა კარგი იყო რომ გქონდეს.
ვაი ჩვენს პატრონს!
06 სექტემბერი 2020 23:10
რაც საქართველოში არჩევნები ტარდება 1-2 წელი რომ გამოეტოვებინათ უაზროდ ჩატარებული არჩევნები( გადაყვა ქვეყანა უსაქმური პარლამენტარების რჩენას) და რამოდენიმე ქარხანა ან ფაბრიკა აეშენებიათ ამდენი ემიგრანტი არ ეყოლებოდა ქვეყანას...
!
03 სექტემბერი 2020 03:39
ქალები არ უნდა მიდიოდნენ ცხრა მთას იქით..არააა ბავშვს სჭირდება დედააა!
ნეტა როდის იქნება რომ ქართველი უცხოეთში არ გარბოდეს ლუკმა პურის საშოვნელად.კი ლამაზი ქვეყანაა დალოცვილი, წილხვედრი ,გემრიელი საჭმელებით მარამ რატომ არ იცხოვრება საქართველოში? რატომაა ასეთი გეოგრაფიული მდებარეობის ქვეყანა ასეთი ღარიბი?! ბეჩავი ?!გასაწყლებული,-სიღარიბისგან მოტანილი გასაჭირით ..ბავშვს რა ვაჭამო რა ჩავაცვა რითი ვასწავლო ექიმთან რითი მივიდე?ეს ხომ ელემენტარულია? ნუთუ არ შეიძლება ამ საკითხების მოგვარება?

რუბრიკის სხვა სიახლეები
გაქვთ თუ არა გადაწყვეტილი, რომელ პარტიას მისცემთ ხმას საპარლამენტო არჩევნებში?
თქვენი აზრი მნიშვნელოვანია!
გაქვთ თუ არა გადაწყვეტილი, რომელ პარტიას მისცემთ ხმას საპარლამენტო არჩევნებში?
თვის კითხვადი სტატიები