"დამიკლეს შვილი. იმიტომ, რომ ამ ქვეყანამ ვერ დაიცვა… ჩემთან ვალშია სახელმწიფო და ახლა ბინიდან მასახლებს?!" (ექსკლუზივი)
27-09-2013
"დამიკლეს შვილი. იმიტომ, რომ ამ ქვეყანამ ვერ დაიცვა… ჩემთან ვალშია სახელმწიფო და ახლა ბინიდან მასახლებს?!" (ექსკლუზივი)
ორი თვის წინ ბათუმის ახალ ბულვარში მოკლული 16 წლის მარიამ კოჩალძის ოჯახს გამოსახლება ემუქრება. გოგონას დედა, ჟუჟუნა ბერიძე ინტერვიუში ოჯახის გასაჭირის შესახებ ყვება და მარიამის მკვლელობის საქმის ახალ დეტალებზეც საუბრობს.

ჟუჟუნა ბერიძე:

- სანამ ჩემი მეუღლე ცოცხალი იყო, რძის პროდუქტებს ვაწარმოებდით. ახლა სადაც ვართ შესახლებული, ამ ფართში გვქონდა ის პატარა ბიზნესი. შემდეგ ჩემი მეუღლე გარდაიცვალა, ვეღარ მოვახერხეთ წარმოების გაგრძელება, ვერც კრედიტი გადავიხადეთ და 2012 წლის დეკემბერში ბინაც და ის ნაყიდიც
დავკარგეთ. ამიტომ, აქ შემოვსახლდით, სხვაგან წასასვლელი არ გვქონდა.

მთავრობას ვთხოვ, რომ ეს ფართი მომცეს, ობოლი შვილიშვილები მყავს, 9-სულიანი ოჯახით სად წავიდე, რა ვქნა?! ვერ გამოვალ აქედან. მოვკვდები მაშინ და ისე გამასვენონ. არსად წასასვლელი არ მაქვს. ყველაფერი გავყიდე, თუ რამე ფასიანი გვებადა. სად წავიდე?! ვერსად ვერ
წავალ...


- თუ მიმართეთ ვინმეს დახმარებისთვის?


- დღისით, მზისით 7-ის ნახევარზე შვილი მომიკლეს. შვილი, რომლის იმედიც მქონდა. ასეთი გოგო ასეთი სიკვდილით მომიკლეს... დამიკლეს შვილი. იმიტომ, რომ ამ ქვეყანამ ვერ დაიცვა ჩემი მარიამი. სამყაროში იდეალური ხომ არაფერი არ არსებობს? - ეს ბავშვი იყო იდეალური, რომელიც სახელმწიფომ ვერ შემინახა და ვერ დამიცვა. ჩემთან ვალშია სახელმწიფო და ამ ფართიდან მაინც არ უნდა გამასახლოს. ვიცი, არაა სწორი, ამას არ უნდა ვამბობდე, მაგრამ რა ვქნა, სად წავიდე 9 სულიანი ოჯახით?! მარიამი არ გაცოცხლდება, მაგრამ მისი დედმამიშვილები ქუჩაში იყვნენ?

ახლა სადაც ვარ, ჯავახიშვილის #72-ში ერთსართულიანი ძველი ნაგებობაა. ბოსელი იყო. მე გავაკეთე, მოვაწესრიგე და ისე შევედი. ეს მომცენ, ხუთვარსკვლავიან სასტუმროს არ ვითხოვ. პერიფერიაშია და ქვეყნისთვის არაფერს არ წარმოადგენს. რას ვითხოვ ისეთს?!

თავიდან თავს ვიკავებდი, ჩემს შვილს არ უყვარდა ასეთი აჟიოტაჟი ხმაური და მათხოვრობა. მარიამი ისეთი ამაყი ბავშვი იყო, რომ იცოდეს, ამ სახლში სურათები გადაიღეს და ხალხმა ნახა, მისი დედმამიშვილები სად ცხოვრობენ, სირცხვილით მოკვდებოდა.

ამ გაზაფხულზე პრეზიდენტი ახალგაზრდა პარლამენტარებს რომ ხვდებოდა, მარიამიც იქ იყო. ყველამ რაღაცა სთხოვა და სააკაშვილმა ამას დაუძახა - "რიჟიკა გოგო! მოდი, მოდი, შენ რატომ არაფერს არ მთხოვო?!" და მარიამმა უპასუხა - მე ჩემით უნდა მივაღწიოო. მარიამს არ უყვარდა ასეთი რამეები და ამიტომ ვიკავებდი თავს, მაგრამ ახლა მეტი გამოსავალი არ მაქვს და უნდა ვთქვა.

- მარიამის საქმეზე რამე ახალი ხომ არ გსმენიათ?

- არაფერი არ ვიცი. მე არავინ არაფერს არ მეუბნება. ის გაიქცა და რას დაიჭერენ?! დარწმუნებული ვარ, რომ ნამდვილად ის ირანელია მკვლელი, რადგან ტაქსი სიხლით დასვარა და დეენემის ანალიზით დადგინდა, რომ მარიამის სისხლი იყო.

- ტაქსი?

- მარიამი სანაპიროზე 7-ის 15 წუთზე გავიდა და 15 წუთში მკვლელმა ყველაფერი მოასწრო. 7-ის ნახევარზეა მოკლული. შემდეგ მკვლელი ბულვარიდან ტაქსამდე ჩემი შვილის ველოსიპედით გადაადგილდა, რომელიც იქვე გადააგდო, ჩაჯდა მანქანაში და სარფში წავიდა. სისხლიანი იყო თურმე და ტაქსი დასვარა. თან ბანკით გადაიტანა სისხლი. არ ვიცი, რატომ. ალბათ, ვიღაცას უნდა მისცეს ან აჩვენოს... ჩემი მარიამის სისხლი პატარა ბოთლში ჰქონია და საზღვარზე ისე გადაიტანა.

- ეს ინფორმაცია გამოძიებამ მოგაწოდათ?


- ისეთი ვინმესგან ვიცი, რომ დარწმუნებული ვარ, სიმართლეა. მან საკუთარი თვალით დაინახა, რომ სისხლი გადაიტანა. პოლიცია ამბობს, რომ არ ექნებოდაო სისხლი. თუმცა, ამით ყველაფერი მართლაც რელიგიურ რიტუალს ემსგავსება და ამათ არ უნდათ, რომ ეს თქვან, გვერდით მუსლიმური სახელმწიფოა...

მარი რობაქიძე (სპეციალურად საიტისთვის)
juli
04 ოქტომბერი 2013 20:50
მამამიას ვეთანხმები, შრომა არ უნდა ეთაკილებოდეს არავის, მაგრამ ,,სახელმწიფო" რომ არ გვაქვს და საქართველო მხოლოდ რუკაზე არსებობს ესეც მართალია, ძალიან გული მწყდება რომ ჩვენი საშველი არ არის, კიდევ კარგად ვართ ამ ქაოსში... მალე ალბათ თბილისში გაავლებენ საზღვარს...
qeTi
01 ოქტომბერი 2013 14:17
ვწუხვარ ძალიან ამ ბავშვის დაღუპვის გამო...

ცოდოა დედა, რომელსაც 9 ადამიანი ყავს სარჩენი და საცხოვრებელი არსად.


მაგრამ ძალიან ცუდად მომხვდა გულზე ის, რომ დახმარებას კი არ ითხოვს მოითხოვს, თავისი გარდაცვლილი შვილის სახელით.
მრჩება შთაბეჭდილება, რომ სახელმწიფოს რომ გამოეყო თანხა და ეს ქალი დაეფინანსებინა ეს ინტერვიუ საერთოდ არ იარსებებდა...


არჩვაძე აკეთებდა ხოლმე : ფული რომ შემოაკლდებოდა გამოიყვანდა პარლამენტტან 10-15 კაცს ლოზუნგებით, დააფინანსებდნენ გაჩუმდებოდა..



აი მე რას ვიზავდი, მოვითხოვდი იმას რაც ისედაც ეკუტვნის, როგორც სოციალურად დაუცველს ისე, რომ გარდაცვლილის სახელი არ მეხსენებინა. მე პირადად ვერ გავიმეტებდი ჩემი შვილის სახელს ასე სახსენებლად.
mammamia
01 ოქტომბერი 2013 11:42
სახელი-ს: ოხ დაიოკე ნერვები:D:Dრა სასაცილო ხარ ხვდები საერთოდ??კითხვა ისწავლე და ლოგიკა დახვეწე!შვილის გასვენების დღეს თუ მიუტანეს გამოსახლების ცნობა, ესეიგი ვალები დიდი ხანია ექნებოდა! ასე უცებ 1 დღეში არ ასახლებენ სახლიდან!თვითონ ამბობს ეს ქალი 2012 წლის დეკემბრიდან ვალებს ვერ ვფარავდით და ბინა წაიღო კრედიტმაო!მუცლით ნუ საზღვრავ რას ნიშნავს ამიხსენი რააა, რაღაცა ვერ ვარ როგორც ჩანს შენი დონის(მადლობა ღმერთს) :D:Dიცი რას გეტყვი??ამ ქალბატონმა მგონი 50 ინტერვიუ ჩაწერა და ყველა ინტერვიუში ხან სახელწიფოს ადანაშაულებს, ხან ირანს და ხან პეტრეს და ხან პავლეს!არცერთში აი მართლა არცერთში არ უთქვამს, რომ თვითონაც მიუძღვის დანაშაული!რომ თვითონ ოჯახმაც დაუშვა შეცდომა და ბავშვს ყურადრება არ მიაქცია!!აქ რამდენი კომენტარი დაიწერა და 90% ჩემსავით ფიქრობს!რას მეფხორები, რა გინდა??არ მითქვამს, რომ ამ ოჯახს არ უნდა დაეხმარონ, მაგრამ უნდა დაეხმარონ არა იმიტომ, რომ სახელმწიფოს რაიმე დანაშაული მიუძღვის ამ ქალის მიმართ, არამედ იმიტომ, რომ უსახლკაროა!ეხლა შენს პირველ კითხვას ვუპასუხებ, როდის თქვა ქალბატონმა შვილი მომიკლეს და უნდა დამეხმარონო, როდის თქვა და ამ ინტერვიუში თქვა, კომენტარს რომ ჯღაბნი, მანამდე უნდა სტატია გულდასმით წაიკითხო, აი დაგიკოპირებ:"ეს ბავშვი იყო იდეალური, რომელიც სახელმწიფომ ვერ შემინახა და ვერ დამიცვა. ჩემთან ვალშია სახელმწიფო და ამ ფართიდან მაინც არ უნდა გამასახლოს.ვიცი, არაა სწორი, ამას არ უნდა ვამბობდე, მაგრამ რა ვქნა, სად წავიდე 9 სულიანი ოჯახით?! მარიამი არ გაცოცხლდება, მაგრამ მისი დედმამიშვილები ქუჩაში იყვნენ?"-გაიგეეე სუპერ ჭკვიანოოო?????ამას ქვია მკვდრის სახელის გამოყენება!!! ეგ არაა პირველი შემთხვევა, ადი თბილისში ავტობუსში და ნახავ კონტროლიორი მოხუც შავებიან ქალს ბილეთს რომ მოთხოვს, როგორ აკივლდებიან-ხოლმე: "მე შვილმკვდარ დედას ფულს როგორ მთხოვთო"!ისე თითქოს კონტროლიორმა მოუკლა შვილი!აი ასეთი რაღაცეები ხალხს აღიზიანებს!გინდა დახმარება?კეტილი ინებე და დავალდებულებას შეეშვი! ან მე პირადად რატომ მეხები??მე ჩემო კარგო 14 წლიდან გაგანია სიცხეში ჩემი ტოლები ბათუმში ზაგარს რომ ირებდნენ, მარნეულში კარტოფილებს ვთხრიდი, რომ სწავლის ფული შემეგროვებინა!გაჭირვებას ვერავინ მასწავლის,თავზე საყრელი არასოდეს მქონია, მაგრამ ჩემი მშობლები ასე ადვილად ვალებს არ იღებდნენ!დღემდე პატარა რაიონში ცხოვრობენ და მამაჩემი 10 წელიწადი ლოგინს იყო მიჯაჭვული და 90-იან წლებში მკურნალობა რა ღირდა კარგადაც გეცოდინება!დიდი და პატარა ვირებივიტ ვმუშაობდით! 8 წლის ვიყავი ყანას დიდი კაცივით ვთოხნიდი და შაბათ-კვირას ძროხებს ვწყემსავდი, 20 ლარს მაძლევდნენ მეზობლები!წადი აბა მინდორში დილიდან დაღამებამდე და მწყემსე საქონელი როგორია!მამაჩემს დღემდე 30 ლარის წამალი ჭირდება დღეში!ძლივს დადის, მაგრამ მაინც მუშაობს!ასევე დედაჩემიც!ქალი 2 ადგილას მუშაობდა და უმარლესი განატლებით, მოსკოვში აქვს უნივერსიტეტი დამტავრებული, დამლაგებლობასაც კი არ თაკილობდა ჩვენთვის!ბავშვები დღეგამოშვებით სკოლას ვაცდენდით, რომ მამაჩემზე მიგვეხედა, საჭმელსაც ვერ ჭამდა კაცი საკუთარი ხელით!ადამიანი თუ მოინდომებს ყველაფერი გამოუვა!მეც და ჩემმა ძმებმა უნივერსიტეტები დავამტავრეთ, უფროსი ისეთი ჭკვიანია უფასოზე სწავლობდა, დანარჩენები ფულს ვიხდიდით!არდადეგებზე და შაბათ-კვირას ვმუშაობდით და ასე გაჭირვებით მაინც შევძელით ოჯახის შენარჩუნება!ჩემი ძმების გამონაცვალებით გავიზარდე!კაბა არ მცმია, სულ ძმების ნახმარი ჯინსები მეცვა!!მართალია ბავშვობა არც მქონია, მაგრამ უსახლკაროები არ ვართ!ან ამ ოჯახს ნაცნობი მაინც არ ყავს არავინ??ჩემს ნათესავებს იმდენ სოფელში ქონდათ სახლი და ყველგან უსახლკარო ლტოლვილები შეუშვეს!დღეს იმ ხალხს ვაზი, სიმინდი, საზამთრო, მანდარინი და რავიცი რა არ მოყავთ და მშვენივრად ცხოვრობენ!იმერეთში პატარა ქალაქებში იმდენი ცარიელი სახლი დგას, მივიდნენ ვინმესთან და არარსებობს რომ არ შეუშვან!რას ილანძღები, ეგეთი გაჭირვებული ოჯახები საქართველოში ვინმეს უკვირს??9 სულიანი ოჯახი ვართო, შვილიშვილები მყავსო, იმ შვილიშვილების პატრონი სადღაა?ან ამ ბავშვებს ეს ხალხი ვის იმედზე აჩენს??მეც მინდა შვილები, მაგრამ შვილებს შენახვა უნდა!ჯერ აიწყვეტ ცხოვრება და მერე იფიქრეთ შვილებზე!არ მიყვარს ხალხის ლანძღვა, მაგრამ ქართველ ხალხს ბევრი სამუსაო ეთაკილება!მტელი კლასი მე დამცინოდა ძროხებს მწყემსავსო, მაგრამ მე დღეს კაბინეტში ვზივარ, ისინი კიდე ყანას უვლიან, როგორც მე ადრე!არანაირი სამსახური არაა სათაკილო!ბევრს უცებ უნდა გამდიდრება!ასე არაა ბატონო!2 წელი უფასოდ ვიმუშავე და ბოლოს როგორც იქნა მეღირსა კარგი სამსახური!რომ დამინახავენ კნოპკებიან მობილურს რომ დავაძრობ, თან ბაბუაჩემის დროინდელს, ფოტოაპარატიც კი არ აქვს, 30 ლარად მომყიდა ნაცნობმა, იცინიან -ხოლმე და არ ესმით, რომ ჩემთვის მთავარია სმს-ი გავაგზავნო და სადმე დავრეკო!ბოლო მოდის მობილურები აქვს ხალხს და უსახლკაროები არიან!აი ესაა პრობლემა1ეს კუდაბზიკობა უნდა მოიშოროთ!ვააა არ ამიშალა ნერვებიიიიიი!გამოხტებიან ეს წკვინტლიანი ბავშვები და დაგიწყებენ ცხოვრებაზე საუბარს!

რედაქტორის რჩევით
რუბრიკის სხვა სიახლეები