გამოხატვის თავისუფლება და საზოგადოება, სადაც განსხვავებული აზრი ზიზღისა და ლანძღვის საგანი ხდება
გამოხატვის თავისუფლება და საზოგადოება, სადაც განსხვავებული აზრი ზიზღისა და ლანძღვის საგანი ხდება
Young Citizen-ის ბლოგი

იყო და არა იყო რა, იყო ერთი გოგო, რომელიც განსაკუთრებული ხმის წყალობით მთელმა ქვეყანამ ბავშვობიდანვე შეიყვარა. მერე ეს გოგო გაიზარდა, დედა გახდა და მის ნამღერ "იავნანაზე" ამ ქვეყანაში ბავშვებს აძინებდნენ. მერე ეს ქალი ბებიაც გახდა და შვილთან და შვილიშვილთან ერთად ყველა სულგანაბული უსმენდა თუ როგორ მღეროდა "ალილოს".

მე კი ვფიქრობდი, რომ ხანდახან ე.წ "ყვითელ შოუებში", ცოტა არ იყოს, მორალისტობდა და ზედმეტად ჭკუას გვარიგებდა, მაგრამ სწორედ ამიტომაც უფრო
უყვარდათ ამ ქვეყანაში. ერთ მშვენიერ დღეს, ამ ყველასათვის საყვარელმა ქალმა თქვა:

პირველი - ღმერთმა განსხვავებული ადამიანები შექმნა;
მეორე - მე როგორც ქალს, არ მინდა დაპირისპირების გაღვივებაში მონაწილეობა;
მესამე - ადამიანი ბრმად არავის უნდა გაყვეს.

ეს ჰუმანური სიტყვებია? - რა თქმა უნდა - კი, ეს სიტყვები
ქრისტიანობას ეწინააღმდეგება? - რა თქმა უნდა, არა, პირიქით! მაგრამ, რაც არ უნდა არალოგიკურად მოგეჩვენოთ, ამ სიტყვების შემდეგ, ყველასთვის საყვარელმა ქალმა ისეთი კრიტიკა, კრიტიკა ძალიან მსუბუქი ნათქვამია, ისეთი ლანძღვა დაიმსახურა, გაქნილ და მატყუარა პოლიტიკოსებსაც რომ არ ღირსებიათ.
თურმე მარტო ფერადთმიანი და პირსინგიანი ახალგაზრდები და "გრანტიჭამია" არასამთავრობოები კი არ ფიქრობენ, რომ განსხვავებულ ადამიანებს აქვთ არსებობისა და გამოხატვის თავისუფლება, არამედ საზოგადოებაში დამკვიდრებულ ლამის ყველა ე.წ. სტანდარტში რომ ჯდება, ისეთი ქალიც ასე მიიჩნევს. ეს გაცილებით საშიშია იმ ჯგუფებისთვის, რომლებიც წარსულში მიგვათრევენ ( რა თქმა უნდა, რუსეთის გავლით).

აბა, როგორ გინდა ამ ქალის დემონიზება მოახდინო? ვერც ეშვებს მიუხატავ და ვერც რქებს, ვერც სოროსის მონობას დასწამებ და ვერც ათეისტობას. ეს უკვე ჩიხია და ამიტომაც არიან გამწარებულები.

ერთი რამ ზუსტად ვიცი, ჩვენ ბევრად უფრო მეტნი ვართ, ვინც ვფიქრობთ, რომ ადამიანები განსხვავებულები იბადებიან, რომ ყველას თანაბარი უფლებები გვაქვს, რომ დაჩაგვრა და ძალადობა ყველაზე ცუდი და თუნდაც ყველაზე არაქრისტიანული საქციელია, რომ ყველამ მშვიდობიანად უნდა ვიცხოვროთ და წვლილი შევიტანოთ, რომ ეს ქვეყანა უკეთეს ადგილად იქცეს. ასე ფიქრობენ დიასახლისები, გლეხები, მუშები, ექიმები, უბრალოდ, მათი ხმა ნაკლებად ისმის.

ამიტომ ყველას, ვინც დაუმსახურებელი ზიზღისა და ლანძღვის ობიექტად იქცა, მაგალითად, გურამ კაშია და ახლა უკვე თამარ ჭოხონელიძე, უნდა ვუთხრათ - მადლობა. მადლობა, რომ ამ ჯგუფებს ასუსტებთ და ამ ჭაობის ამოშრობაში შეგაქვთ წვლილი.

ბლოგში გამოთქმული მოსაზრებები ეკუთვნის ბლოგერს, რომელსაც შესაძლოა რედაქცია არ ეთანხმებოდეს
მედეა
07 ოქტომბერი 2019 10:52
განსხვავებულობა--- დასანანია და არა ს ა ტ რ ა ბ ა ხ ო ან დივიდენდების მომტანი თეზა! კოჭლი--მალავს სიკოჭლეს, ხალხი არ ჩაგრავს მას, დ ა მ ა ლ ე თ თქვენი სექსუალური განსხვავებულობა, ნუ ტრაბახობთ ამით, --ძალდატანებამდე ნუ მიიყვანთ საზოგადოებას , არ არის საჭირო ა ფ ი შ ი რ ე ბ ა----არავინ დაგჩაგრავთ, არავის ეცოდინება, პატივს მიაგებენ თქვენს მ ო კ რ ძ ა ლ ე ბ ა ს . თვალში თითის თხრას კი---არ გ ა პ ა ტ ი ე ბ ე ნ , მხარდამჭერებსაც იმიტომ ხვდებათ ზიზღი, ნუ ჩააგდებთ თამრიკოსთანა ღირსეულ ადამიანებს (თქვენს მხარდამჭერებს) უ ხ ე რ ხ უ ლ მდგომარეობაში--სიყვარულსა მალვა უნდა.
ციცია
04 ოქტომბერი 2019 15:22
დიდი ხანია, მაღიზიანებდა მისი მენტორული ტონი, რელიგიურობის ხაზგასმა, კოლეგების სახალხოდ კრიტიკა, ოჯახური ამბების გასაჯაროება, ანუ ყველაფერი ის, რაც კულტურულ ადამიანს არ უნდა ახასიათებდეს.
ყველას
04 ოქტომბერი 2019 12:17
ეს ქალი გახდა ნოლს პლიუს ნოლი, უსასრულობა

რუბრიკის სხვა სიახლეები
თქვენი აზრით,  მოაგვარებს თუ არა პრობლემას აზარტული თამაშების რეკლამის აკრძალვა?
თქვენი აზრი მნიშვნელოვანია!
თქვენი აზრით, მოაგვარებს თუ არა პრობლემას აზარტული თამაშების რეკლამის აკრძალვა?