ჯერ ერთი ძმის სახლზე თავდასხმა, შემდეგ მეორე ძმის მკვლელობა - ანგარებით ჩადენილი დანაშაული თუ შურისძიება?!
ჯერ ერთი ძმის სახლზე თავდასხმა, შემდეგ მეორე ძმის მკვლელობა - ანგარებით ჩადენილი დანაშაული თუ შურისძიება?!
პაატა ჩუბინიძეს, გიორგი ფიჩხაძესა და მერაბ აბესაძეს ახლობლები 3 დღე-ღამე უშედეგოდ ეძებდნენ. ისინი ხორცის ბიზნესით იყვნენ დაკავებული, სოფლებში მოსახლეობისგან ცოცხალ პირუტყვს ყიდულობდნენ და მარნეულის ბაზარში ყიდდნენ.
(ფოტოზე: ძმები ჩუბინიძეები, მარცხნივ მოკლული პაატა ჩუბინიძე)
9 თებერვალს, პაატა ჩუბინიძეს უცნობმა პირმა დაურეკა და უთხრა, რომ ზუგდიდის ერთ-ერთ სოფელში პირუტყვი ჰყავდა გასაყიდი. 10 თებერვალს, დილით ადრე, პაატა მეუღლის ბიძაშვილთან, გიორგი ფიჩხაძესთან ერთად თავისი მიკროავტობუსით ზესტაფონიდან სამეგრელოში წავიდა. ხობში ახლობელს, მერაბ აბესაძეს შეუარა, რომელიც
You must have Flash Player installed in order to see this player.
საქმიანობაში ეხმარებოდა და სამივენი ზუგდიდში ჩავიდნენ, სწორედ ამის შმედეგ გაქრა მათი კვალი...

მომხარ დანაშაულზე ჟურნალი "გზა" სტატიას 18 თებრევლის ნომერში აქვეყნებს და მკვლელობის მეტად საინტერესო დეტალებზე უყვება მკითხველს, რომლის ამონარიდებსაც გთავაზობთ:

"დანაშაული გახსნილად გამოცხადდა და სამი ადამიანის განზრახ მკვლელობის ბრალდებით, სოფელ ნარაზენში მცხოვრები, ყოფილი სპეცრაზმელი, 40 წლის დავით ბეჭვაია დააკავეს.
დავით ბეჭვაია

ოფიციალური ინფორმაციით, საქმე დავით ბეჭვაიას წინააღმდეგ ოპერატიული ინფორმაციის საფუძველზე აღიძრა. ისიც დადასტურებულია, რომ წინადღეს პაატა ჩუბინიძის ტელეფონზე ბეჭვაიამ რამდენჯერმე დარეკა და ზუგდიდში ჩასვლა სთხოვა.
...
მთავარი კითხვა მაინც ტრიალებს საზოგადოებაში, -
როგორ შეძლო ერთმა ადამიანმა სამი ადამიანის მოკვლა და შემდეგ ცხედრების დამარხვა. ჰყავდა თუ არა დამნაშავეს თანამონაწილე, ამაზე ჯერჯერობით გამოძიება არაფერს ამბობს.

მართალია, მომხდარს ფულის გამოძალვის მიზნით ჩადენილი განზრახ მკვლელობის კვალიფიკაცია მიეცა, მაგრამ ბევრი კითხვა პასუხგაუცემელია. ისიც ირკვევა, რომ ეს ძმებ ჩუბინიძეებზე
თავდასხმის პირველი შემთხვევა არ არის. ამ შემზარავ ტრაგედიამდე თვე-ნახევრით ადრე, პაატა ჩუბინიძის უმცროსი ძმის, კახას სახლი დაუდგენელმა პირებმა ცეცხლსასროლი იარაღიდან დაცხრილეს. მაშინ ოჯახმა მომხდარის შესახებ სამართალდამცავებს აცნობა, მაგრამ კახა ჩუბინიძის სახლზე თავდასხმაც დღემდე გამოუძიებელია. ჩუბინიძის საახლობლოში იმასაც ამბობენ, რომ მათზე თავდასხმა წლების წინაც მომხდარა, სწორედ ზუგდიდის ტერიტორიაზე.

მაშინ ძმების დაყაჩაღება უცდიათ. იმასაც ამბობენ, ძმებმა დამნაშავეები ამოიცნეს და ისინი პოლიციამ დააკავაო. ჩვენი ინფორმაციით, თავდასხმაში დადანაშაულებული პირები ოჯახს ემუქრებოდნენ. რაღაც გზებით, მათ ციხიდან გამოსვლაც მოახერხეს და თურმე დღეს თავისუფლებაში არიან. როცა კახას სახლი დაიცხრილა, ეჭვი გაჩნდა, რომ ციხიდან გათავისუფლებულებმა ამ გზით იძიეს მათზე შური. თუმცა, რამდენად აქვს ზესტაფონში მომხდარ ფაქტს კავშირი სამი ადამიანის მკვლელობასთან, უცნობია. იმედია, სამართალდამცავები ამ მიმართულებითაც იმუშავებენ, რადგან საეჭვოდ ემთხვევა ჯერ ერთი ძმის სახლზე თავდასხმა და შემდეგ - მეორე ძმის მკვლელობა. ჭირისუფალთან, სამწუხაროდ, ჯერჯერობით ამ ინფორმაციის გადამოწმება ვერ შევძელით და ჩვენთვის უცნობია, აქვთ თუ არა სხვა ვერსია მომხდარზე ან ჰქონდა თუ არა რაიმე კავშირი ადრე მომხდარ თავდასხმასთან დავით ბეჭვაიას".

სტატია სრულად იხილეთ ჟურნალ "გზის" 18 თებერვლის ნომერში

ასევე იხილეთ: სამმაგ მკვლელობამდე რამდენიმე დღით ადრე დავით ბეჭვაიამ საკუთარ მანქანაში ნაღმი აღმოაჩინა?! - სასტიკი მკვლელობის დეტალები

მკითხველის კომენტარი (9)
დალი
29 თებერვალი 2016 18:20
მართლა არ შემიზლია გაჩუმება ,როცა სამშობლოსათვის თავდადებულ ბიჭებს ჯალათებად მოიხსენიებენ, ვითომ არ გაუჭირდებოდაო მოკვლა და გადამალვაო, ვაი თვენ, ვინც ასე ფიქრობს. ერთხელ ერთი საათით დადექით ხურჩა-განმუხურის საგუსაგოზე და ვნახავ მერე რა ვაჟკაცებიც იქნებით. ბეჭვაიას თავის მეგობრებთან სისხლი აქ დაღვრილი საქართველოს მშვიდობის სადარაჯოზე და ვერასოდეს დავიჯერებ, რომ სამი უდანაშაულო ადამიანის მოკვლა შეუძლია. დათოს ისეთები აქ გადატანილი, ვითომ მამააცები რომ აკეთებენ კომენტარებს, არც დაესიზმრებათ, მაშინ არ გაბოროტებულა, მაშინ არავინ მოუკლავს, ახლა უკვე 3 წელია სამსახურიდან რაც დაითხოვეს და ფიზიკურად მუშაობდა, მის ეზო-კარს და მარანს ეტყობა ნამდვილი მშრომელი მაჯა და სტუმართმოყვარეობა. ასე რომ როცა ადამიანს არ იცნობთ, საკუთარი შეხედულებისამებრ ნუ ახასიათებთ
ლილი
29 თებერვალი 2016 15:59
ყველაე საინტერესო ის არის, რომ ბეჭვაიას თურმე ის ტანსაცმელი გახადეს ექსპერტიზაზე გასაგზავნად, რაც დაკავების დღეს ეცვა ანუ 12 რიცხვში, ტყე-ტყე მოარატეს, რაზე მიაკიდებინეს ხელი ღმერთმა უწყის. ანდა თუ ნამდვილად ბჭვაია არის დამნაშავე, რა იცის გამოძიებამ შემთხვევის დღეს ანუ 10 რიცხვში რა ეცვა ამ ადამიანს. შორიდან ამდენი უზუსტობა ჩანს და ახლა წარმოიდგინოს სზოგადოებამ კიდევ რამდენი დეტალია დაუზუსტებელი. და ეს ადამიანი განწირული თუ ყავთ, სამხილების შეთხვზაც არ გაუჭირდებათ
ლილი
29 თებერვალი 2016 15:55
ზუგდისელმა შერლოკ ჰოლმსებმა მომხდარ დანაშაულზე იმდენად უსუსური ვერსია შეთხზეს,რომ მგონი თვითონაც უჭირთ დაჯერება. ჯერ იყო და ჭორები დაყარეს და გაუვრცელეს დათო ბეჭვაიას ხმები, ვითომ ანგარებით მოკლაო. მერე როცა გაირკვა,რომ ბეჭვაია საკმაოდ შძლებული მემამულეა, შეცვალეს და თქვეს საქონლის მპარავები ყოფილან და მიტომ მოკლაო. ასეა თუ ისე ყველა კითხვას უნდა გაეცეს პასუხი. მითუმეტეს, რომ ჩუბინიძეებს მართლა ყოლია მტერი და იქნებ ზესტაფონიდან მოყვებოდა მათ, აქ სამეგრელოში დანაშაული ჩაიდინა და მიიმალნენ, თუ ასეა, მაშინ გამოსის რომ ჩუბინიძეების მტერი თავისუფლებაში დასეირნობს, ბეჭვაია კი ტყუილად ყავთ გამოკეტილი, თან,სანამ სამხილები არ გააჩნია გამოძიებას, როგორ შეიძლება ასე დამაჯერებლად ადამიანს კრიმინალი უწოდო, ხომ შეიძლება დაღუპულების ოჯახებმა ეჭვმიტანილის ოჯახზე იძიონ შური. მეტად ჩახლაფორთებული საქმეა და საჭიროებს ობიექტურ გამოძიებას
ბელა
23 თებერვალი 2016 15:04
მართლა არ მესმის ეს გამოთქმა ,,ყოფილი სპეცნაზელი,, ბიჭები საკუთარი მკერდით იცავდნენ საქართველოს ფრონტის წინა ხაზზე და თურმე გამოდის,რომ პოტენციური მკვლელები ყოფილან. ვინც ასე ფიქრობს,დარწმუნებული ვარ ერთი ტყვია რომ გავარდეს,მისი გასაქცევი არ მოიძებნება. ასე უნდა დაფასება იმ ხალხს, ვინც სისხლს ღვრიდა საქართველოს დასაცავად,ხომ? აი,როგორი ხალხი ვართ ქართველები
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
რუბრიკის სხვა სიახლეები
თვის კითხვადი სტატიები