"მამას უთხრა: "მისმინე, ეს საშინელებაა" - ვისი გავლენით მიიღო ტრამპმა სირიაზე დარტყმის გადაწყვეტილება?
აშშ-ის პრეზიდენტის, დონალდ ტრამპის შვილის, ერიკ ტრამპის განცხადებით, მისმა დამ, ივანკა ტრამპმა მნიშვნელოვანი გავლენა მოახდინა დონალდ ტრამპის გადაწყვეტილებაზე, დარტყმა განეხორციელებინა სირიაზე.
"ივანკა გულგატეხილი და აღელვებული იყო იდლიბში ქიმიური იარაღით თავდასხმის გამო", - განუცხადა მან ბრიტანულ გაზეთს The Daily Telegraph.
"ივანკა სამი შვილის დედაა და მას გავლენა აქვს. დარწმუნებული ვარ, მან მამას უთხრა: "მისმინე, ეს საშინელებაა". მამაჩემი ასეთ დროს ქმედებებისკენ გადადის", - განაცხადა მან.
ბრიტანული გამოცემა Independent-ის ინფორმაციით, ივანკა ტრამპის გავლენამ მნიშვნელოვანი როლი ითამაშა ტრამპის მიერ სირიაზე საჰაერო დარტყმის შესახებ გადაწყვეტილების მიღებაში.
"ინტერპრესნიუსი"